Die skooldag het vir die leerders van Ramkriekies Kleuterskool op ‘n hoë noot begin toe die Brandweer en die Paashaas by hulle besoek afgelê het.

Dit het die kleuters se dag gemaak so net voor die Paasnaweek.

‘n Onderwyser by die kleuterskool, Annalie Grobbelaar het vertel dat Glen Wilken van Firematic Krugersdorp al die pad van Boksburg af gekom het om die kleuters te leer oor brande en noodnommers wat geskakel kan word.

Daar is vir hulle gewys hoe hoog die water uit ‘n brandslang kan spuit, en juffrou Lee-Ann Nel het ‘n beurt gekry om die brandslang vas te hou.

Die Paashaas het Paaseiers vir die kleuters uitgedeel en vir hulle van die regte rede vir Paasfees vertel.”

Die Paashaas het ook ‘n draai by Laerskool Randfontein se Graad 1’s gemaak. Hulle kon saam met hom foto’s neem en het ook Paaseiers ontvang.

“Ons wil baie dankie sê aan Glen Wilken asook Jacques O’Rielly, die eienaar van die brandweerwa, vir hierdie spesiale geleentheid,” het Annalie gesê.