Die tiener wat amper twee weke lank vermis was, is gevind en is veilig.

Magda Janse van Rensburg het vertel dat haar 15-jarige kleindogter Charlotte Croukamp gevind is nadat sy op Dinsdag 5 Julie omstreeks 12:00 vermis geraak het vanaf Girls Town waar sy woon.

Girls Town het my Vrydagaand 15 Julie laat weet dat sy daar is. Ek het haar gaan haal, en sy is tans veilig by my in Vereeniging. Sy sal moet teruggaan Girls Town toe omdat sy in hul sorg is,” het Janse van Rensburg bevestig.

Sy het vertel dat sy baie bly is dat haar kleindogter veilig is en dat sy vir Charlotte teen gevaar kan beskerm.