Sionspoort se Kersmark is hier!
Die Damesvereniging van Sionspoort se langverwagte Kersmark sal vermaak verskaf met selfs 'n gesellige teetuin vir ontspanning.
Die Hervormde Kerk Sionspoort maak gereed vir nog ‘n langverwagte Kersmark wat beloof om groot vermaak vir die gemeenskap te bied.
Die kerk se Damesvereniging (NHSV) het gesorg dat die jaarlikse Kersmark ‘n instelling in Randfontein geword het. Volgens NHSV-voorsitter, Sheryl van Staden, begin die Kersmark op 30 November omstreeks 09:00.
Die geleentheid word in die kerksaal te Henningstraat 90, Randgate gehou.
Sy het verder gesê dat daar baie handgemaakte produkte sal wees asook ‘n gesellige teetuin. Die Kersmark is nie net beperk tot verskeie versnaperinge nie, maar sluit ook vermaak in.
Die gemeente sluit die feesnaweek af met ’n Kerssangdiens wat op 1 Desember om 09:00 plaasvind. ’n Orkes bestaande uit Chanie Jonker, Jannie du Toit en Susan Mouton sal vir prettige vermaak sorg.
