Rierand-boogskutters maak naam

Twee leerlinge van Hoërskool Riebeeckrand het onlangs hul skool en land se naam hoog gehou tydens ‘n Afrika Boogskiet Kampioenskap.

Christiaan Pretorius en Sean Smit was deel van ‘n Suid-Afrikaanse ‘All Star’-span wat aan die kampioenskap in Rustenburg deelgeneem het.

Rickus Kruger van die skool vertel, “Daar was 16 boogskutters van Suid-Afrika, Namibia, Botswana en Zimbabwe onderskeidelik. Elke span is in vier gedeel.

“Die 16 spanne van vier lede elk het teen mekaar kragte gemeet totdat slegs twee oorgebly het. Christiaan en Sean se span het eers in die laaste rondte uitgeval.”

Afrigter van Riebeeckrand se boogskietspan, Frik Birkenstock sê, “Baie geluk en baie dankie vir julle pryswaardige deursettingsvermoë, julle is ware wenners”.

Sean het bygevoeg, “Sonder hom sou ons nie ons doelwitte kon bereik nie”.

Resultate:

• 1ste RSA

• 2de Zimbabwe

• 3de Namibia

• 4de Botswana