Twee van Ram is onder SA se topskuts

Laerskool Randfontein se boogskietspan het tydens die September-skoolvakansie aan die NASP Nasionale Boogskietkampioenskappe deelgeneem en nie teleurgestel nie.

Deanay Esterhuizen is as die tweede beste Graad 7-skut en Leanné Louw as die derde beste Graad 4-skut in die land aangewys.

Die kampioenskappe is by Cambridge College in eMalahleni in Mpumalanga gehou.

Volgens Annie Nolan, skoolwoordvoerder was dit die eerste jaar dat RAM aan die sportsoort deelgeneem het.

“Altesaam 888 skuts van reg oor Suid-Afrika het deelgeneem. Ons is trots op hierdie dogters.”