Twee “vriende” van Richard Wood (26) verskyn vandag in die Pretoria-Noord-magistraatshof op aanklagte van moord.
Wood is in November verlede jaar dood na ’n beweerde aanranding.
“Dit was vir my ’n groot skok. Ek kon dit amper nie glo nie,” was Maryna Wood se reaksie nadat Christopher van der Westhuizen en Marchant Bredell in hegtenis geneem is.
LEES OOK: ‘Vriende’ in hof na Pta-Noord seun se moord
Rekord het vroeër berig dat ’n erg-beseerde Richard op 5 November deur ’n veiligheidswag op ’n sypaadjie in Pretoria-Noord gevind is.
Hy is op 13 November oorlede nadat hy bykans ’n week in ’n koma was.
“Ek en my man het ’n argument met Richard gehad oor verkeerde keuses en hy het toe besluit om tydelik by Christopher in te trek,” het Maryna gesê.
Maryna sê sy hoop om in die hof antwoorde te kry oor wat voor sy dood met haar seun gebeur het.
Do you have more information about the story? Please send us an email to editorial@rekord.co.za or phone us on 083 625 4114.
For free breaking and community news, visit Rekord’s websites:
For more news and interesting articles, like Rekord on Facebook, follow us on Twitter or Instagram
