’n Gesoute swendelaar van Pretoria-Noord is steeds uit op borgtog, ten spyte van ’n hofverskyning verlede week.
Marita Grobler, wie aangekla word van diefstal, se saak is uitgestel tot 27 Februarie vir verdere ondersoek, volgens polisiewoordvoerder kaptein Rebecca Phatlane.
ALSO READ: Noord-swendelaar se borgaansoek weer uitgestel
Grobler het vroeër vanjaar R2 000 borg betaal nadat sy aanvanklik versuim het om dié bedrag aan die hof te betaal .
Sy is voorheen skuldig bevind aan diefstal en bedrog.
In 2013 het Grobler haar onder meer as ’n verhuringsagent voorgedoen het en huurgeld van voornemende huurders ingevorder.
In daardie stadium was polisie-ondersoeke van bedrog en diefstal teen haar reeds aan die gang.
Klagtes teen Grobler is al in 2010 by die polisiekantoor aangemeld.
ALSO READ: Noord-swendelaar terug in hof
Grobler is verlede jaar in Novermber weer vasgekeer toe ’n pa van Pretoria-Noord die polisie op haar spoor gesit het.
Volgens dié pa het Grobler ’n huis aan sy dogter “verkoop” en daarna die woning aan hom ook probeer smous.
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083 625 4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
