Local newsNews

Van Noorweë na Frankryk met Duo Equilibrium-konsert

Klassieke musiek-entoesiaste is op 'n boeiende reis geneem met Duo Equilibrium se uitvoering van twee ikoniese sonates by die Pretoria Kunstevereniging.

Die afgelope Sondagoggend is klassieke musiek-entoesiaste op ’n boeiende reis geneem saam met Duo Equilibrium, met Miroslav Chakaryan op viool en Sonja van Zyl op klavier.

Die voordrag, wat by die Pretoria Arts Association plaasgevind het, was ’n hoogtepunt op die kulturele kalender, met twee meesterlike sonates wat in 1886 gekomponeer is – interresant genoeg – dieselfde jaar wat Johannesburg gestig is.

Die geleentheid het begin met Edvard Grieg se Derde Sonate vir viool en klavier, ’n stuk wat bekend is vir sy emosionele diepte en melodiese rykdom.

Hierdie sonate, die gewildste van Grieg se vioolsonates, was ’n persoonlike gunsteling van die komponis.

Miroslav Chakaryan op viool en Sonja van Zyl op klavier.

Die welige harmonieë en ekspressiewe dialoog tussen die viool en klavier het die gehoor na die romantiese landskappe van Noorweë vervoer.

Hierna het die duo die gehoor Frankryk toe geneem met César Franck se Sonate in A majeur vir viool en klavier.

Die sonate, gekomponeer as ’n trougeskenk vir Franck se vriend en bekende virtuose violis, Eugène Ysaÿe, het ’n spesiale plek in die klassieke repertorium beklee.

Opmerklik genoeg het Ysaÿe die sonate op die oggend van sy troue ontvang en dit later daardie selfde dag by die seremonie uitgevoer, wat sy buitengewone talent en die sonate se onmiddellike impak ten toon gestel het.

Albei sonates, wat in 1886 gekomponeer is, verteenwoordig ook die toppunt van romantiese uitdrukking in musiek.

Pieter en Annaline Geldenhuis (Tzaneen) saam met Lizahn Bester en Richard Opperman (Pretoria-oos)

“Nou gaan julle almal luister na wat ek sou sê een van die beste vioolsonates wat nog ooit geskryf is. Dit is deur César Franck gekomponeer. Dit is een van die mooiste vioolsonates in vier bewegings. Eerstens is daar Allegretto, dan het jy Allegro, dan het jy die beroemde Fantasia en dan die laaste beweging. Ek hoop julle geniet dit!” het Chakaryan gesê.

Chakaryan en Van Zyl het ’n dinamiese vertoning met vloeiende wisselwerking gelewer.

Hul vertolking van hierdie sonates het ’n onvergeetlike musikale ervaring vir almal wat die konsert bygewoon het verseker.

Die konsert was ’n dawerende sukses en het die gehoor verryk gelaat deur die pragtige reis van Noorweë na Frankryk, danksy die besonderse talente van Duo Equilibrium.

Het jy dalk meer inligting rakende dié storie?

Stuur gerus vir ons ‘n epos na  bennittb@rekord.co.za of skakel ons by 083-625-4114.

Vir jou daaglikse gratis gemeenskapsnuus, besoek Rekord se webwerf: Rekord

Besoek ook ons FacebookTwitter en Instagram blaaie.

 
Back to top button