Hoërskool Centurion se Woeries Omgee Projek verskaf ’n noodsaaklike ondersteuningsnetwerk vir leerders en hul gesinne wat finansieel swaarky, deur te verseker dat hulle toegang tot kos, klere en noodsaaklike skoolbenodighede het.

Een van die skool se onderwysers, Renate Heyns, het die inisiatief begin wat uit drie hoofprogramme bestaan: die Woerie Kosprojek, ’n Klerebank en ’n Liefdadigheidsfonds.

Saam ondersteun hierdie programme leerders en gesinne binne die skoolgemeenskap wat andersins sukkel om in hul daaglikse behoeftes te voorsien.

Heyns sê die projek is kort na die Covid-19-pandemie uitgebrei nadat personeellede besef het dat sommige leerders en hul gesinne bykomende hulp benodig.

Die inisiatief het sedertdien tot ’n volhoubare ondersteuningsisteem ontwikkel wat voortgaan om lede van die skoolgemeenskap by te staan.

Een van die belangrikste aspekte van die projek is die kosprogram, wat daaglikse kospakkies aan ses behoeftige gesinne binne die skoolgemeenskap verskaf.

Volgens Heyns, is hierdie gesinne totaal afhanklik van hierdie kospakkies wat deur die skool verskaf word, want die program ’n belangrike bron van ondersteuning maak vir huishoudings wat sukkel om kos op die tafel te sit.

“Die projek voorsien ook daaglikse toebroodjies aan 22 kinders. Hierdie toebroodjies word om die beurt voorberei deur vroue wat hul tyd opoffer en ook die bestanddele bydra wat nodig is om die kos voor te berei,” sê sy.

Sy merk op dat die skool ook bykomende kosskenkings twee keer ’n jaar insamel tydens hul Valentynsdag- en Lentedag-inisiatiewe.

Tydens hierdie geleenthede word leerders toegelaat om informele klere skool toe te dra mits hulle nie-bederfbare kos skenk. Die ingesamelde kos word dan deur die Woerie Kosprojek versprei.

Heyns het aan Rekord vertel dat die voortgesette ondersteuning van leerders, personeel, ouers en ander lede van die skoolgemeenskap gehelp het om die inisiatief te laat groei tot ’n gevestigde ondersteuningsnetwerk.

’n Ander deel van die inisiatief is die Liefdadigheidsfonds, wat behoeftige leerders bystaan met skryfbehoeftes en ander skoolbenodighede.

Die fonds word ondersteun deur die skool se opbrengste van die jaarlike Valentynsdans sowel as geld wat deur die Klerebank ingesamel word.

Die Klerebank voorsien ’n verdere manier vir leerders om mekaar te ondersteun.

“Matriekleerlinge skenk skoolklere wat nog in goeie gehalte is kort voordat hulle die skool verlaat. Die geskenkte klere word dan aan leerders wat skooluniforms benodig teen ’n nominale prys verkoop, met die opbrengste wat dan direk na die Liefdadigheidsfonds gaan.

Heyns sê die inisiatief laat toe dat klere wat andersins ongebruik bly, tot voordeel van ’n ander leerder is terwyl fondse gegenereer word vir diegene wat hulp nodig het.

Die skool werk ook saam met anonieme skenkers wat van tyd tot tyd toiletbenodighede aan leerders wat dit nie kan bekostig nie, voorsien.

Vir Heyns, is die projek uiteindelik om te verseker dat leerders en hul gesinne nie alleen finansiële probleme in die gesig hoef te staar nie.

Die verskillende programme laat die skoolgemeenskap toe om in verskeie maniere by te dra, of dit nou deur kos, klere, geld, tyd of noodsaaklike items is.

Deur die Woeries Omgee Projek, gaan die skool voort om praktiese bystand aan gesinne wat op ondersteuning staatmaak te voorsien, terwyl dit ’n kultuur skep waarin leerders en die breër skoolgemeenskap kan help versker dat ander nie agterbly nie.

Het jy dalk meer inligting rakende dié storie? 

Stuur gerus vir ons ‘n epos na  bennittb@rekord.co.za of skakel ons by 083-625-4114.

Vir jou daaglikse gratis gemeenskapsnuus, besoek Rekord se webwerf: Rekord

Besoek ook ons Facebook, Twitter en Instagram en TikTok en WhatsApp Channel