Agt uit die 214 metro-raadslede is na die Artikel 79-komitee vir reëls en etiek verwys nadat hulle versuim het om hul verklaring van belange-vorms vir die 2025/26 finansiële jaar in te handig.

’n Verklaring van belange is ’n formele verklaring deur ’n individu om enige bestaande persoonlike, finansiële, of ander belang te verklaar wat ’n konflik van belange mag skep met hul professionale pligte of verantwoordelikhede. Veral in die konteks van openbare diens, diensinneming by ’n universiteit of kommersiële bieëry.

Voorsitter van die Munisipale Openbare Rekeningekomitee, Godwin Ratikwane, bevestig dat die verklaringsvorms aan raadslede tydens die eerste week van die 2025/26 finansiële jaar gestuur is.

“Vanaf 8 September, het 206 raadslede daaraan voldoen, met agt raadslede wat versuim het om vorms in te handig teen die tyd wat die verslag ter tafel gelê is,” verduidelik hy.

Ratikwane sê dat die komitee op 9 November beraadslaag het oor verskeie verslae wat ter tafel gelê is.

Dit het die verslag ingesluit vanaf die kantoor van die hoofsweep van die raad oor die verklaring van belange-vorms wat deur raadslede voltooi of bygewerk is vir die 2025/26 finansiële jaar.

Hy sê dat Bylaag 1 van die Wet op Munisipale Stelsels (Wet 32 van 2000): Gedragskode vir raadslede 7 (1) vereis dat: Wanneer ’n raadslid verkies of aangestel word, moet hy of sy binne 60 dae skriftelik aan die munisipale bestuurder die volgende finansiële belange verklaar: aandele en sekuriteite in enige maatskappy, lidmaatskap van enige beslote korporasie, belange by enige trust, direkteurskappe, vennootskappe, ander finansiële belange in enige besigheidsonderneming, indiensneming en vergoeding, eiendomsbelange, pensioen, subsidies, sowel as toelaes en borgskap deur enige organisasie.

“Versuim om die verklaring van belange binne die bepaalde tydperk in te handig is ’n oortreding van die bogenoemde wet,” verduidelik Ratikwane.

Hy sê die komitee, na beraadslaging oor die verslag, het besluit om die agt raadslede na die Artikel 79-komitee vir reëls en etiek te verwys vir nie-nakoming of versuim om hul verklaring van belange-vorms betyds in te handig.

“Die komitee verbind hom om etiese optrede, deursigtigheid en openbare trust te bevorder deur te verseker dat kennis geneem word van potensiële konflikte en dat dit bestuur word. Die komitee versterk etiese gedrag en aanspreeklikheid, veral onder munisipale staatsamptenare.”

Het jy dalk meer inligting rakende dié storie? 

Stuur gerus vir ons ‘n epos na  bennittb@rekord.co.za of skakel ons by 083-625-4114.

Vir jou daaglikse gratis gemeenskapsnuus, besoek Rekord se webwerf: Rekord

Besoek ook ons Facebook, Twitter en Instagram en TikTok.