Wilgers onnie lei driekamp atlete by spele
Twee Pretorianers was op verskillende vlakke deel van die driekamp span wat Suid-Afrika by die onlangse Jeug Olimpiese Spele in Argentinië verteenwoordig het.
Die bekende driekamp atleet van Pretoria, Riana Robertson, het die Suid-Afrikaanse span onlangs na die Jeug Olimpiese Spele in Argentinië vergesel.
Robertson was die amptelike afrigter en bestuurder van die driekamp atlete by die spele.
Dié onderwyseres van Hoërskool Die Wilgers, wat ook betrokke is by die Dinamic Coaching groep, spog self met ‘n baie suksesvolle loopbaan as alteet. Sy is ‘n internasionaal gerekende driekamp atleet en het ook al naam gemaak in die moordende ysterman kompetisie.
Robertson se atelete het besonder goed presteer by die spele.
Die beste prestasie is gelewer deur die 17-jarige Amber Schebush, wat die driekamp in die individuele vroue-afdeling gewen het en daarmee vir Suid-Afrika se eerste goue medalje gesorg het.
Christiaan Stroebel van Hoërskool Garsfontein het in die mans afdeling ‘n 21ste plek behaal. Hy was ook deel van die Afrika-span wat die kontinent in die driekamp aflos verteenwoordig het. Dié span het negende geëindig.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
