Silver Valke Rugbyklub begin oefen vir 2020 seisoen
Die bestuur van die Silver Valke Rugbyklub glo dat hulle vanjaar weer die klub op die wenpad sal kry om die gloriedae van die verlede te laat herleef.
Die Silver Valke Rugbyklub in Silverton is tans die enigste klub wat ’n gerieflike tuiste bied op die voorstoep van klubrugby spelers in die Oostelike voorstede van Pretoria.
Ten spyte van ’n moeilike begin in 2019, het dié klub van krag tot krag gegaan en uiteindelik die seisoen met harde werk en goeie afrigting baie kompeterend afgesluit.
Henry van Wyk, voorsitter van die Silver Valke, het aan Rekord gesê hulle wil vanjaar vroeg begin om op ’n hoë vlak sake te bestuur om te verseker dat die klub vanjaar verder verbeter.
“Ons streef daarana om weer die hoogtes van die verlede te bereik,” het Van Wyk verduidelik.
Dis geen geheim nie dat die Silver Valke sowat ’n dekade gelede getel het onder die top Carltonbeker klubs in Pretoria en gereeld met die groot kanonne afgereken het.
“Om egter ons doelwit te bereik het ons ons top afrigters en spelers nodig en daarom is ons tans besig met ’n sterk werwingsprogram. Ons 2020 seisoen begin in alle erns op 7 Januarie by die Silver Valke Rugbyklub, 220 Roestoff straat, Silverton. Oefeninge vind plaas vanaf 18:30 en 20:00,” het Van Wyk gesê.
Van Wyk nooi alle belangstellende rugbyspelers en gekwalifiseerde afrigters om by die klub aan te sluit.
Vir enige navrae kan Henry van Wyk gekontak word by 083-466-9016.
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083-625-4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
