Local sportSport

Plaaslike karatekas presteer by nasionale byeenkoms

Studente van die bekende Solis Ortus karate klub in die Ooste van Pretoria het puik presteer tydens ’n onlangse ligabyeenkoms van Karate Suid-Afrika in Bloemfontein.

June 21, 2021
Koos Venter 1 minute read
Studente van die Solis Ortus karate klub wat onlangs in Bloemfontein aan die eerste ligabyeenkoms van die jaar deelgeneem het en puik prestasies gelewer het, is (van links) Pieter Jordaan (12 - 13 afdeling), Jean van der westhuizen (8-9 afdeling), Hardus van Jaarsveld (o.21 afdeling), Anica Myburgh (8 - 9 afdeling), Franko Vertue (10-11 afdeling), Shiloh Verreyne-Roos ( 8-9 afdeling), Eben Millard (8-9 afdeling), Hein Dirkse van Schalkwyk en Ethan Brazelle (10 - 11 afdeling). In die middel heel agter staan die twee senseis wat die kinders voorberei. Links is Eduan Bekker (Tweede Dan) en regs is Eugene Oosthuizen (Vyfde Dan). Nie in foto nie: Isabel Esterhuizen, Thirq du Preez en Elmien Viljoen. Foto: Verskaf

Studente van die plaaslike Solis Ortus karate klub in die Ooste van Pretoria het onlangs puik presteer tydens die eerste Karate Suid-Afrika (KSA) ligabyeenkoms in Bloemfontein.

Sommige van hierdie studente, wat as deel van Solis Ortus se Karate Performance Centre in Bloemfontein aan die ‘KSA League 1’ byeenkoms deelgeneem het, kon selfs daarin slaag om hulself te vestig as die top karatekas in die land in hul onderskeie kategorieë.

Hoewel die meerderheid van Solis Ortus karate klub se studente slegs die gewone BUDO styl karate beoefen en nie aan kompetisies deelneem nie, is daar ander wat wel die Shotokan styl onder die jurisdiksie van die Japan Karate Association (JKA) beoefen.

Vyf van die klub se karatekas het met goue medaljes vanaf Bloemfontein teruggekeer. Hulle is Franco Vertue, Ethan Brazelle, Isabel Esterhuizen, Eben Millard en Shiloh Verreyne-Roos.

Elmien Viljoen, Jean Van Der westhuizen en Anica Myburgh het silwer medaljes verower, terwyl Pieter Jordaan, Hardus van Jaarsveld en Thirq du Preez almal brons medaljes gewen het.

 

Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083-625-4114.

Vir jou daaglikse gratis gemeenskapsnuus, besoek Rekord se webwerf: Rekord

Besoek ook ons Facebook, Twitter en Instagram blaaie.

At Caxton, every story is written by humans. We use AI only to perform quality checks - never to generate the news. Happy reading!
June 21, 2021
Koos Venter 1 minute read

Support local journalism

Add The Citizen as a preferred source to see more from Rekord in Google News and Top Stories.

Add as a preferred source on Google
Follow on Google News

Koos Venter

Koos Venter is an experienced journalist who started his career 35 years ago, before the days of cellphones, modern computer systems, the internet and digital cameras, as a correspondent for Nexus, the former national magazine of the Department of Correctional Services. He has since worked for various other publications in all aspects of news coverage, as a columnist and in the production side of newspapers and online publications. Since 2007 he has specialized as a sports writer, while he is also regularly used as an analyst and commentator by several radio stations.
Back to top button