Die Fortis Pretoria Noord Atletiekklub het vyf top atlete opgelewer tydens die onlangse Atletiek Gauteng Noord (AGN) meesters atletiek kampioenskappe, sowel as die 10km en 21km AGN padwedloop kampioenskappe.

Die  65-jarige Martie Boesenberg, het ’n silwer medalje gewen vir haar tweede plek tydens die 21km vir vroue (60).

David Maphangulo (68) was die wenner van die mans (60) se 10km wedloop.

Moses Letlhaku het ook silwer verower vir sy tweede plek in die 21km vir mans (50).

Leandri Claassen het ’n tweede plek behaal op die atletiekbaan vir die 800m vir vroue (40), sowel as ’n brons medalje vir die 10km padwedloop.

Die 40-jarige Charmaine de Klerk het tydens die atletiekbyeenkoms weggestap met ’n silwer medalje vir die 400m sowel as die goue medalje vir die 200m in die kategorie vroe (40).

Beide Claasen en De Klerk het gekwalifiseer om Suid-Afrikaanse kleure vir atletiek te ontvang.

Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083-625-4114.

Vir jou daaglikse gratis gemeenskapsnuus, besoek Rekord se webwerf: Rekord

Besoek ook ons Facebook, Twitter en Instagram blaaie.