Fotogalery – Laerskool Ermelo bied Prestige Atletiekbyeenkoms aan

Laerskool Ermelo Prestige Atletiekbyeenkoms

Laerskool Ermelo het Woensdag ’n Prestige Atletiekbyeenkoms op die atletiekbaan van Ligbron Akademie vir Tegnologie aangebied.

Verskeie rekords is verbeter op die baan wat nog in puik toestand was ná Saterdag se uiters suksesvolle Interhoërbyeenkoms wat deur Ligbron aangebied is.

Buiten die gasheer skool Laerskool Ermelo, het Ermelo Primary, Laerskool Marietjie van Niekerk, Laerskool H.M. Swart, Laerskool Kallie de Haas, Laerskool Jeugkrag en Standerton Primary aan Woensdag se byeenkoms deelgeneem.

Die byeenkoms is deur Laerskool Ermelo gewen met Laerskool H.M. Swart in die tweede plek en Laerskool Marietjie van Niekerk derde.