Kasselman Veiligheidsdienste het oomblikke gelede vyf verdagtes op die R39 Ermelo-pad naby die Standerton Waterwese-afrit vasgetrek.

Kasselman het die die mans en ’n vrou, wat in die voertuig gevlug het, agternagesit.

Na wat verneem word, word die mans met ’n roof op Ermelo naby die vliegveld verbind.

’n Vrou het glo by ’n bank geld getrek waar die verdagtes haar oorrompel en ontvoer het.

Hulle het haar by die plaaslike vliegveld met ’n vuurwapen aangehou, aangerand en die geld gebuit.

Polisie van Ermelo het die verdagtes na die Ermelo Polisiestasie geneem waar die saak geopen is.

Kry jou uitgawe van die Standerton Advertiser om die volledige berig te lees.