Gewapende roof op Morgenzon

’n Vulstasie is omstreeks 12nm vandag op Morgenzon beroof en die skuldiges het in ’n minibus weggejaag.

Volgens mnr. Jannie Kasselman van Kasselman Veiligheidsdienste het die Morgenzon Polisie hom in kennis van ’n gewapende roof gestel.

Die minibus het op die Gladdedrift-pad, sowat 10km buite Villiers, stilgehou en die vermeende diewe het in die mielievelde in gehardloop.

Volgens hom is nog sewe mans op vrye voet.

Twee vliegtuie help met die soektog, saam met die polisie en boere in die omgewing.

UPDATE:

Volgens mnr. Kasselman is daar nou vier verdagtes in hegtenis geneem.

“Ons soek nog na die ander vier,” het hy gesê.

UPDATE: 8am

Volgens mnr. Kasselman is daar gister nege verdagtes in hegtenis geneem.

Die laaste van die verdagtes was net na 11nm in die mielielande op mnr. Daan Jordaan se plaas vasgetrek.

Die verdagtes is na verskillende polisiestasies geneem waar sake teen hulle oopgemaak is.

“Bykans 100 boere het met die soektog gehelp.”