Jong mans verskyn in hof op aanklag van aanranding
Die een slagoffer het na bewering sy bewussyn na die aanval verloor, terwyl die ander een met ’n glas teen die kop en in die gesig gesteek is.
Vier jong mans het op 28 April in die Standerton Landdroshof verskyn op ’n aanklag van aanranding met die opset om ernstig te beseer.
Die voorval hou verband met twee gr.11-leerlinge van Hoërskool Standerton se aanranding verlede Vrydag.
Volgens een van die seuns se pa het hulle by vriende op die terrein van Hoërskool George Hofmeyr gekuier.
Die een slagoffer het na bewering sy bewussyn na die aanval verloor, terwyl die ander een met ’n glas teen die kop en in die gesig gesteek is.
Die een seun se pa het reeds regshulp ingewin.
Die motief vir die aanval is onbekend en die name van die beskuldiges kan nie bekend gemaak word nie, omdat sommige minderjarig is.
Die beskuldiges is vrygelaat en moet weer op 28 Mei in die hof verskyn.
Die Standerton Advertiser sal lesers op hoogte hou.
