SECUNDA – Die DA wil ingryp en probeer om Secunda se groenstroke reg te ruk.
Parkies word verwaarloos en oral kan vuilgoed gesien word soos mense hul swartsakke met vullis daar gooi.
Die nuutse plek wat mense nou as ’n stortingsterrein gebruik, is Silkaatskop.
Karkasse van honde is ook daar gevind.
’n Sakeman van ’n bekende motormaatskappy op Secunda is by Silkaatskop gewaar terwyl hy sy rommel daar gaan stort het.
Inwoners om Silkaatskop sê hulle is moeg vir mense wat nie hul vuilgoed wegry nie.
Hulle het gesê elke voertuig se nommerplaat sal neergeskryf word en by die polisie, sowel as die munisipaliteit aangegee word.
“Onwettige storting sal nie meer geduld word nie.”
Lede van die DA wil die parke en groenstroke op Secunda herstel en weer gesinsvriendelik maak.
Me. Mariaan Chamberlin, ’n aktivis vir die DA, doen ’n beroep op die gemeenskap om te help om mense wat onwettig vuilgoed in groenstroke stort, vas te trek.
Vir meer nuus besoek gerus ons ander webblaaie.
Ridge Times, Standerton Advertiser & Highvelder
”Like” ons op Facebook en volg ons op Twitter.
Vir nuus na jou selfoon:
BBM – 2667A726
WhatsApp – 0748877590
