’n Totaal van vyf verdagtes, wat in ’n roof op Ermelo betrokke was, is op 19 November in hegtenis geneem.

Twee verskillende voertuie was deel van die rooftog en albei was vanaf Ermelo op pad in Standerton se rigting.

Die Audi, met twee verdagtes, is deur Kasselman Veiligheidsdienste by die Thuthukani-afdraai voorgekeer.

Die Volkswagen Polo het tot by ’n plaas naby Val gejaag.

Die rowers het vermoedelik gedink hul kan deurjaag, maar verskeie boere van die gemeenskap was reeds gereed toe die booswigte daar aankom.

Die polisie het hul agtervolg en na die voertuig geskiet sodat hulle kon stop.

’n Opslagkoeël het die voertuig se band getref en dit het tot stilstand gekom.

Al drie verdagtes het uitgespring en in die lande in gehardloop.

Met behulp van die polisie, boere, Kasselman, AfriForum Buurtwag, ’n helikopter en ’n vliegtuig is hulle vasgetrek

Die verdagtes is van Johannesburg en het sowat R150 000 se goedere gesteel.

’n Moontlikheid bestaan dat die rowers gewapen was.

Die Ermelo Polisie ondersoek die saak.

Lees die volledige berig in vandeesweek se Standerton Advertiser.