SECUNDA – Laerskool Secunda se beheerliggaam bied ’n gholfdag aan om geld vir hul behoeftige leerlinge in te samel.
Dit vind op 14 Mei by Graceland Buiteklub plaas.
Volgens die beheerliggaan neem die aantal behoeftige leerlinge jaarliks toe.
“Dit is belangrik om dié leerlinge te ondersteun.
“Die doel van die projek is gerig op goeie gehalte onderrig, gebalanseerde maaltye, asook sielkundige ondersteuning deur middel van sessies met terapeute.
“Borge kan help om een van 16 leerlinge per jaar te voed, een van 60 leerlinge vir ’n jaar te onderrig en om een van 43 leerlinge te help met sessies by terapeute.”
Afslaan begin om 9vm en die formaat is “better ball”, “scramble drive”, “shotgun start” en “two scores to count”.
Registrasie is vanaf 7.30vm.
Vir besprekings of navrae, skakel me. Lizelle van Zuydam by 017 634 7612 of e-pos skakel@secundalaer.co.za.
