Vuur vernietig kombuis

Vlamme het ’n kombuis op 8 Maart binne 20 minute in Charl Cilliersstraat verwoes.

Me. Constance Geyser het kos op die stoof gesit en na die binnekant van die huis beweeg om haar foon te herlaai toe sy ’n harde plofgeluid hoor.

Volgens haar het die krag dadelik afgegaan en sy het gekyk of almal se krag in die straat af is, maar gou besef dis net hulle huis wat in donkerte gehul is.

Sy het na die kombuis gegaan en vlamme by die stoof se muurprop gesien.

Die vuur is deur die brandweer geblus in die gang wat na die binnekant van die huis lei.

Alles in die kombuis en opwasgedeelte is uitgebrand.

Lees die volledige artikel in volgende week se Standerton Advertiser.