Volgens die munisipale kommunikasiebestuurder, me. Thobeka Mtshiselwa, kan die vloei van riool in die Vaalrivier, aan vandalisme by die pompstasie in Mullerstraat toegeskryf word.

Die Standerton Advertiser het verlede week oor die riool agter die moskee berig.

Lees die berig hier: Vaalrivier vat groot slukke riool

Volgens haar is die pompeenheid intussen herstel en die rioolpompstasie funksioneer nou na wense.

In ’n opvolg-epos, is gevra wanneer dié herstelproses plaasgevind het, maar sy kon nie teen druktyd reageer nie.

Die Advertiser het op 12 April weer gaan ondersoek instel om te sien of die probleem wel opgelos is, maar gevind dat riool steeds by die mangat uitvloei, in die oop veld versamel en afvloei in die Vaalrivier in.

Sy het egter gesê dat instandhouding gedoen moet word sodat die riool doeltreffend vloei, maar geen tydraamwerk is hieraan gekoppel nie.

Me. Mtshiselwa verwys dus na die pompstasie wat herstel is en alvorens instandhouding nie gedoen is nie, sal riool steeds die Vaalrivier besoedel.

Lees die opvolgberig in die volgende uitgawe van die Standerton Advertiser.