AfriForum Buurtwag sny lang gras om misdaad in Secunda te bekamp

Mnr. Jan du Plessis, voorsitter van die AfriForum se Teks-tak, het gesê die opruimingsaksie was nodig om misdaad hok te slaan.

March 31, 2019

Arisja Misselhorn Less than a minute

Werkers takel die groenstrook langs Lombardstraat.

SECUNDA – AfriForum se Buurtwaglede het hul Menseregtedag op 21 Maart gebruik om die groenstrook langs Lombardstraat in Secunda skoon te maak.

Mnr. Jan du Plessis, voorsitter van die AfriForum se Teks-tak, het gesê die opruimingsaksie was nodig om misdaad hok te slaan.

“Die misdaadsyfer in hierdie omgewing is baie hoog,” het hy verduidelik. Die werksgroep het reeds om 8.30vm ingespring en tot omstreeks 3.30nm geswoeg om die gras te sny en die rommel in die groenstrook te verwyder.

“Die gemeenskap het ons ook bederf met koeldrank en toebroodjies,” het mnr. Du Plessis dankbaar gesê.

Mnr. Paulus Victor het die span met sy trekker en grassnyer gehelp en almal het ook met randsnyers, kettingsae en ander tuingereedskap ingespring.