Leerlinge van Hoërskool Ermelo het op Woensdag 10 April aan die babbel geraak in die hoogs afgewagte jaarlikse interne-redenaarskompetisie.
Tydens dié geleentheid het die leerders voorwaar hul blink gevryfde talent na vore gebring.
In die juniors se voorbereide-afdeling, is Mienke Cloete aangewys as wenner en Zané du Plessis in die juniors se onvoorbereide-afdeling.
In die senior voorbereide-afdeling, het Amy Greyling ’n eersteplek losgepraat, en Charis Brundyn in die seniors se onvoorbereide-afdeling het ook baie gehad om te sê nadat sy in dié afdeling koning gekraai het.
EHS se addisionele taalleerders het uitstekend presteer met Aalia Deedat in die eerste plek.
Charis Brundyn, Leandri Viviers, Zara Büchling, Amy Greyling, Francois du Plessis, Elizia van Heerden, Mienke Cloete, Zané du Plessis, Dirk Maritz, Johnke Prinsloo, Danielle Kocaj, Carla Ferreira, Aalia Deedat en Karabo Nkosi is deur na die eerste ronde van die ATKV-redenaars.
