Jarelange werknemer van Lekwa Foods Me. Jessie Mngune sterf

Me. Jessie Mngune, jarelange werknemer van Lekwa Foods, het op 2 Oktober op 62-jarige ouderdom in die Standerton Hospitaal gesterf.

Me. Mngune was by die onderneming sedert 1 Desember 2004 in diens en alombekend op haar rondes met haar mandjies met etenstydversnaperinge.

Haar dood het nie net die eienaar en personeel in skok gelaat nie, maar talle inwoners sal haar gebruiklike ‘môre, môre’ mis.

Die Standerton Advertiser het reeds in 2007 ‘n onderhoud met haar gedoen waar haar medemenslikheid na vore gekom het.

Me. Poppie Welmans het destyds hulle werksverhouding opgesom met ‘dis lekker om saam met haar te werk’.