VLU-vroue deel vinnige en maklike resepte – Dag 1

Resep van die dag (Maandag)

Me. Tracy Fourie het haar resep van taai lemmetjiespoeding met die Ridge Times gedeel.

Bestanddele:

30ml botter

250ml suiker

60ml gesifte koekmeelblom

Sap en die gerasperde skil van vier lemmetjies

500ml melk

4 eiers (die wit en geel geskei)

Metode:

Voorverhit die oond tot 180 grade Celsius. Smeer ’n oondvaste bak met botter.

Meng die botter en suiker. Voeg die koekmeelblom, lemmetjiesap- en skil, melk en eiergele en meng dit.

Klits eierwitte tot styf en vou dit by die mengsel in.

Giet die mengsel in die oondvaste bak en sit in die oond vir 30 tot 50 minute of totdat dit goudbruin is.

Bedien met gevriesde joghurt.