SECUNDA – Laerskool Goedehoop het op Donderdag, 18 Junie ‘n kuierdag vir hul gr. 000-, gr. 00- en gr.0-leerders aangebied om hulle te wys hoe dinge by die skool gaan werk as hulle terugkeer skool toe wanneer die inperking weens die koronavirus gelig word.
Die jong leerders moes hul hande was by die hek, almal moet gesigmaskers dra en hul onderwysers het ‘n lint gebruik om hulle te help om hul sosiale afstand van mekaar te hou.
“Ons wou hulle net wys hul juffroue is nog hier en hul klasse lyk steeds dieselfde,” het me. Juanita Fourie, skakelbeampte van Laerskool Goedehoop, gesê.
Die leerders het in klein groepies in hul klasse in gegaan omdat hulle op verskillende tye die skool besoek het.
At Caxton, we employ humans to generate daily fresh news, not AI intervention. Happy reading!
