Daar is met leedwese verneem van die afsterwe van ’n oud-Ermeloër, mnr. Rutger Ruyssenares (78), op Sondag 4 Oktober.

Mnr. Ruyssenares het vir meer as 30 jaar as oogkundige op Ermelo gepraktiseer vanwaar hy sy praktyk, Ruyssenaers Oogkundiges, bedryf het.

Weens gesondheidsredes het hy in 2006 afgetree en na Pretoria verhuis.

Hy was ook ’n kranige skaakspeler en was een van die stigterslede van Ermelo Skaakklub.

Mnr. Ruyssenares word deur sy vrou Eunice, twee dogters Karen en Renee, skoonseuns Herman en Friedrich asook drie kleinkinders oorleef.

’n Gedenkdiens ter nagedagtenis aan mnr. Ruyssenares, word op Maandag 12 Oktober omstreeks 10vm vanuit die Ned. Hervormde Kerk van Afrika – Rietvallei Pretoria, gehou. (679 Chloritestraat Elarduspark Pretoria.)

Inligting verskaf: Gerald Young