Fotograwe skryf beste foto’s in vir Hoëveld Fotografieklub se maandvergadering op Secunda
Sluit by fotografieklub aan en leer meer oor fotografie.
SECUNDA – Lede van die Hoëveld Fotografieklub het op Vrydagaand, 9 Oktober ‘n aanlyn-fotokompetisie gehad en hul beste foto’s ingeskryf.
Mnr. Danie Smit se foto, Melck Abbey Starcase was die beste in die voorgeskrewe onderwerpafdeling en hy het ook ‘n sertifikaat van meriete vir dié foto ontvang asook vir sy foto, After the Fire in die tweekleurige foto-afdeling.
Die ander fotograwe wat sertifikate van meriete vir hul foto’s ontvang het is mnr. Piet Potgieter met sy foto Gliding in die natuurvoëlsafdeling, dr. Leon Pelser vir sy foto, Bug in Rose in die natuurafdeling, me. Sonia Boucher vir haar foto’s, Music for the Soul en Stairs in onderskeidelik die pikturale- en voorgeskrewe onderwerpafdelings, me. Sussa Pelser vir haar foto’s The Old Pharmacist en Enjoy Life in onderskeidelik die pikturale- en fotojoernalistieke afdelings, mnr. James Harris vir sy foto, Lonesome in die pikturale afdeling en mnr. Jan Ferreira vir sy foto, Veereier in die pikturale afdeling.
Die beoordelaar vir die aand was mnr. Francois Rousseau.
Die Hoëveld Fotografieklub se volgende byeenkoms is op Vrydag, 6 November.
Vir meer inligting, kan mense gerus vir mnr. Pierre Jordaan skakel by dié nommer: 082 465 0248.
