Verskeie leerders van Hoërskool Ermelo het die afgelope week aanlyn aan die nasionale eindstryd van die Oppie-Tong-Af-redenaarskompetisie deelgeneem.

Caylin Loock, Carla Ferreira, Danielle Koçaj en Jenna Oosthuizen het in die Afrikaanse voorbereide spanredenaarsafdeling meegeding.

Die individuele redenaars het in die volgende kategorieë meegeding: Leandri Viviers (Afrikaanse voorbereide toespraak), Johnke Prinsloo (Engelse voorbereide toespraak), Raees Tikly (Engelse motiveringstoespraak) en Mienke Cloete (Goue Tong).

In die Goue Tong-afdeling het leerders ’n onderwerp en slegs vyf minute voorbereidingstyd ontvang, waarna hulle ’n toespraak van vyf tot sewe minute moes lewer.

Raees Tikly het besonder goed gevaar en het ’n landswye tweede plek in sy afdeling behaal.