Die gr. 10- en gr.11-landboubestuurleerders van Hoërskool Ermelo het op 7 Oktober die Jan Vos-landgoed van mnr. Jan Grey besoek.

Daar het die leerders geleer hoe om bulle se saad te tap en gesien hoe dit vir verskeie siektes getoets word.

Die leerders het ook gesien hoe die veearts dragtigheid op vroulike diere getoets het, en hulle is geleer hoe om beeste inentings te gee.

Algemene hantering van stoet-kuddes en die bestuur van ‘n Boran-stoet is tydens die besoek met die leerders behandel.

Daarna het die leerders die melkportaal en die behuisingstelsel by die melkbeeste besigtig waar hulle kon sien hoe tegnologie hierdie boerdery-afdeling tot sukses lei.

Mnr. Pieter Grobler, Hoërskool Ermelo se hoof, het gesê: “Die Erries bedank vir mnre. Hendi-Hein Matthews en Jan Grey vir hulle tyd en vir die ongelooflike leerervaring waarby Hoërskool Ermelo se leerders soveel kon baat.”