GEVIND – Karmen Swanepoel van Ermelo is ongedeerd en veilig gevind
Na wat verneem word van haar vriendin me. Stacey Kruger is die saak ook by die polisie aangemeld.
OPVOLG – 10 November: 14.20nm
Me. Karmen Swanepoel wat sedert 9 November vermis was, is ongedeerd en veilig gevind.
Volgens haar ma, me. Lizette Grobler is sy op ’n plaas buite Aliwal-Noord gevind.
Me. Grobler het gesê: “Die boeregemeenskap het baie kameras op hul paaie en ons kon die registrasienommer van die voertuig identifiseer agter wie sy aangery het, en het so by die boer uitgekom waar sy gaan kuier het.”
Die plaas is in die berge met geen selfoonopvangs nie.
“Ons dank en gee al die eer aan Jesus Christus en elkeen wat help soek het.“
“Dankie vir elkeen se gebede en ondersteuning. Ons bid elkeen toe vrede en seën in YAHVAHSHUA.”
Me. Karmen Swanepoel van Ermelo is sedert 9 November vermis.
Vriende van me. Swanepoel het hul na Facebook gewend om mense om hulp te vra.
Volgens die inskrywing op Facebook was me. Swanepoel oppad na Aliwal-Noord, maar het nooit by haar bestemming uitgekom nie.
Sy bestuur ’n wit Ford Kuga en het vanaf Ermelo gereis.
Na wat verneem word van haar vriendin, me. Stacey Kruger, is die saak ook by die polisie aangemeld.
Indien enige iemand meer inligting het, kan hulle mnr. Jaco van der Merwe kontak by 082 380 8770, mnr. Cobus Kruger by 073 304 3304 of me. Stacey Kruger by 082 375 8972.
