Leerders van Morgenzon Landbou Akademie het op Saterdag, 1 Mei aan Engen se Veteraan enjin-kompetisie in Bloemfontein deelgeneem.

Dié kompetisie het by die Ferreira Museum plaasgevind.

Mnr. Wybrand Wondergem, onderwyser, en die twee leerders, Christo du Preez en Dwayne Weitzs, het met ’n 1956 Lister CS 12/2 deelgeneem.

Die leerders moes die enjin self restoureer en het ’n vierde plek in die meestersklas behaal.

Mnr. Alex Wehmeyer, skoolhoof, het gesê dat die skool die toekenning vir die beste skool ontvang het. “Baie geluk met julle besondere prestasie, ons is trots op julle,” het mnr. Wehmeyer afgesluit.