ERMELO – Laerskool JJ van der Merwe het onlangs die skool se beheerliggaam en die leiers van 2021 se ouers vir die opknappingswerk bedank.

Die beheerliggaam en die ouers het hande gevat om die skoolterrein ’n nuwe baadjie aan te trek.

Laerskool JJ van der Merwe beoog om die skool meer omgewingsvriendelik te bedryf.

Van die opknappingswerk wat deur die beheerligaam gedoen is, sluit in die verf en herstel van die skool en voorskool se dakke, afdakke en palisades, die deurloop van die gradeblok is oorgedoen en die gr. 1-seunsbadkamer is opgeknap.

Die ouers het boorgate en JoJo-tenke laat installeer.

Gesamentlik het die beheerligaam en die ouers sonkragpanele by die skool geïnstalleer.

Mnr. Marius Nel, die skoolhoof, het die ouers en beheerliggaam vir al die opknappings bedank.