ERMELO – Hoërskool Ermelo se rugbyspanne het op 21 Augustus na ’n lang gewag en baie onsekerheid oor die rugbyseisoen, teen Hoër Volkskool Heidelberg tydens ’n vriendskaplike wedstryd kragte gemeet.

Vir die gr. 12-rugbyspelers was dié wedstryd ’n bittersoet kragmeting, omdat dit die laaste een van hul hoërskoolloopbane was.

Die Covid-19-regulasies het rugbyoefeninge vanjaar tot ’n groot mate gestriem.

EHS se o. 15-span het hul teenstanders met 5-0 geklop.

Die o. 14-, o. 17- en eerste span het met tellings van onderskeidelik 19-5, 19-7 en 22-0 die knie gebuig.

Mnr. Pieter Grobler, EHS se hoof, het gesê dat die Erries dankbaar is om weer op die rugbyveld te kon wees, en hulle sien met verwagting uit na die res van die jaar se derbys.