Inwoners van wyk 10 in die middedorp het die afgelope week bontgestaan met ’n stortvloed waterprobleme.
Die Standerton Advertiser het op Donderdag 23 September die algemene verval by die Kieserstraat-reservoir opgemerk.
Water het op die sypaadjie deurgesypel hoewel geensins van die omvang waarna belastingbetalers as die ‘swembad’ verwys nie.
Lekwa Munisipaliteit het gereeld aangedui hoekom wateronderbrekings hoogty gevier het.
Waterdruk, ’n halstarrige pompeenheid, kragonderbreking by die reservoir, waterlekkasie by die Standerton Rivierpark en skoonmaak van die sedimentasietenk het keelvol en wanhopige inwoners se frustrasievlakke laat styg.
Die koerant het op Donderdag 23 September ’n WhatsApp-boodskap aan die kommunikasiebestuurder van die munisipaliteit, me. Thobeka Mtshiselwa, gestuur en kommentaar gevra oor die getal waterprobleme.
Lesers sal op hoogte gehou word.
