Skole-atletiek is weer terug by Dellies

Hoërskool Delmas was die gasheer vir ’n tuisbyeenkoms wat op Vrydag, 21 Januarie plaasgevind het.

Die atmosfeer was dié van gemoedelike samesyn, veral nadat toeskouers sedert onlangs weer by sport byeenkomste toegelaat word na die lang inperking wat Covid-19 tot gevolg gehad het.

Hoërskool Delmas, Hoërskool Stoffberg van Brakpan en Hoërskool John Vorster van Nigel het aan dié vriendskaplike byeenkoms deelgeneem.

Hoërskool Stoffberg met 1245.5 punte het as wenners uit die stryd getree met Hoërskool Delmas met 1026 punte in die tweede plek en Hoërskool John Vorster met 885.5 in die derde plek.

Die volgende atletiekbyeenkoms op die tuisbane van Dellies vind op Vrydag, 28 Januarie plaas.