Oud-Bethal dr. Braam Coetzee sterf

Dr. Braam Coetzee (66) wat vir jare op Bethal gewoon het en praktyke op Bethal, Secunda en Evander gehad het, is op Vrydag, 11 Maart, dood.

Sy lewensmaat, Gerdina de Lange, het gesê hy het longprobleme gehad en naderhand het sy ander organe ook begin ingee.

Hy het die afgelope vyf jaar in die Kaap gewoon en verlede jaar teruggekeer na Bethal.

Voordat hy in George in die Kaap gaan woon het, het hy as dokter op verskeie dorpe wat Bloemhof, Hartswater en Ladysmith insluit, gewerk.

Hy laat sy lewensmaat, De Lange asook ’n dogter na.

Dr. Coetzee se roudiens het op Vrydag, 25 Maart by die Kruik Kerk op Secunda plaasgevind.