Mar-Peh Hospitaal op Standerton brei uit
Mar-Peh is tans ’n 16-bed sub-akute hospitaal met geregistreede akute beddens.
Die personeel van Mar-Peh Hospitaal het Vrydag 11 Maart vir suster Christien du Plessis ’n verrassingspartytjie gereël om haar 60ste verjaarsdag te vier.
Hulle het haar behoorlik met heerlike eetgoed bederf en voorspoed vir die volgende lewensjaar toegewens.
Dit het haar laat terugkyk na die 60 jaar wat verby is en ook na haar toekomsplanne, wat beslis nie aftrede insluit nie.
Die Du Plessis-gesin het in 1989 na Standerton verhuis, waar suster Christien by Kosmos Aftree-oord, Du Buisson/Ampath en later by Lancet as verpleegkundige gewerk het.
‘n Behoefte aan ’n verpleegagentskap het ontstaan om pasiënte tuis te versorg en Mar-Peh Hospitaal het daaruit gespruit.
Die eerste pasiënt is op 19 Maart 2001 opgeneem.
Die naam Mar-Peh is afgelei van ‘Marpe’, wat ‘healing/cure’ volgens die ‘Old Testament Hebrew Lexicon – King James version’ beteken.
Mar-Peh is tans ’n 16-bed sub-akute hospitaal met geregistreerde akute beddens.
“Die toekoms hou groot opwinding vir Standerton in met die uitbreiding van Mar-Peh en ’n teater wat binnekort gebou gaan word,” het suster Du Plessis gesê.
Sy het Standerton vir hul ondersteuning deur die jare bedank, en ook haar personeel vir hulle bystand en lojaliteit.
“Saam is ons ’n wenspan,” het sy mee afgesluit.
Die personeel het haar seën en voorspoed met haar toekomsplanne toegebid.
