Dellies-naelloper presteer by Suid-Afrikaanse Atletiekkampioenskap
Emke Pretorius het tydens die Mpumalanga Kamioenskap ’n tweede plek in beide die 100m en 200m vir dogters 0/17 behaal.
Emke Pretorius, ’n graad 10-leerder aan Hoërskool Delmas het sover uitstekend tydens vanjaar se atletiekseisoen gevaar.
Emke het vir die Mpumalanga Kampioenskappe gekwalifiseer. Tydens dié kampioenskappe wat op Saterdag, 5 Maart in Secunda plaasgevind het, het
Emke ’n tweede plek in beide die 100m en 200m vir dogters 0/17 behaal.
Die prestasie het daarvoor gesorg dat Emke gekwalifiseer het om aan die Suid-Afrikaanse Atletiekkampioenskappe (ASA) deel te neem.
ASA het tussen 30 Maart en 2 April in Potchefstroom plaasgevind.
Ook hier het Emke Dellies se naam hoog gehou. Die 15-jarige Emke het haar pad tot in die halfeindronde oopgenael en ’n algehele 14de plek in die 200m vir dogters 0/18 behaal.
Tydens die Mpumalanga Kampioenskappe in Secunda het Emke boonop vir die 4 x 100m sowel as die 4 x 200m aflosresies gekwalifiseer. Die aflos vind
later in die maand in Sasolburg plaas.
