Ronald Kinnear beklink maandkompetisie op Standerton
Daar is steeds belangstelling in die Woensdae-wedywering en 8 Junie en 1 Junie was geen uitsondering nie, waar die nege-putjie- en 18-putjie-kragmetings plaasgevind het.
Klubkampioen Ronald Kinnear, was op Saterdag 4 Junie onoorwonne by dte Standerton Buiteklub nadat hy ’n netto van 73 behaal het.
In die A-afdeling het Andrew Harper tweede met 74 geëindig, gevolg deur RJ Kinnear en Stephen Nortjé, albei met 76.
Gerrit Coetzee het 77 aangeteken, terwyl Juan Nortjé 79 en Joré Nortjé 87 op die telkaart ingevul het.
Stephen Nortjé het ’n spog-twee aangeteken en Juan Nortjé (2).
Aldo Arnaldi het in die B-afdeling met ’n netto van 73 geseëvier, gevolg deur Johan Brink en Inncocent Dhladhla, albei met 75.
Johann van Rensburg het 76 aangeteken, terwyl die driestuks van Wessel van der Merwe, Patrizia Lombard en Theuns Adendorff elk 78 behaal het.
Johan Griesel en Casper Roux het albei 82 behaal.
Nick Momberg het eerste in die C-afdeling geëindig met 38 punte, gevolg deur Mark Nortjé met 37.
Wikus Fourie en JC Schambriel het albei 32 aangeteken, gevolg deur Jacques Scholtz met 24 en Francois Cronjé met 19.
Daar is steeds belangstelling in die Woensdae-wedywering en 8 Junie en 1 Junie was geen uitsondering nie, waar die nege-putjie- en 18-putjie-kragmetings plaasgevind het.
Momberg het op 8 Junie in die eerste wedywering geseëvier met 20 punte, gevolg deur Deon Grimsell met 16, Pieter Bester met 15 en Donnie Taljaard met 10.
Attie Mouton het by die 18-putjie-mededinging die septer met 38 punte geswaai, met Herman Mynhardt en Francois Cronjé wat ook 38 aangeteken het.
Nico Lombard en Conrad Steyn het albei 37 behaal, gevolg deur Kobie Coetzee met 35 en Gerrit Coetzee met 34.
Die agterhoede is gevorm deur Louis Gravett met 33, asook Mouton en Patrizia Lombard albei met 33.
Mouton het ’n spog-twee behaal.
In die eerste wedywering op 1 Junie het Patrizia Lombard haar slag gewys met 36 punte in die IPS-formaat.
Sowel Grimsell as Van Rensburg het 38 behaal, gevolg deur Momberg met 39 en Freddie Welmans met 41.
Taljaard en Bester het albei 42 aangeteken.
Momberg het ’n spog-twee behaal.
Henk Botha se 69 het aan hom die eerste plek by die tweede wedywering besorg, met Fourie wat ook 69 aangeteken het.
Stephen Nortjé en Francois Cronjé het albei 71 behaal, gevolg deur Gerrit Coetzee met 73, Nico Lombard met 74 en Steyn met 75.
Mynhardt en Mouton het albei 77 op die telkaart ingevul, terwyl Ronald Kinnear 79 behaal het.
Stephen Nortjé en Coetzee het ’n spog-twee aangeteken.
