Geborgde gholfdag kry groot aftrek by Standerton Buiteklub
’n Ligawedstryd is ook beslis en Ermelo het die Spring Chickens 5-3 geklop.
Riaan Starbuck en Mark Nortjé het op 13 April Haas Das se geborgde gholfdag gewen. Joré Nortjé en Jacques Scholtz het tweede geëindig, gevolg deur Stephen Nortjé en Sonja Nortjé.
Die juniors het ook hul slag gewys, met Tristan Baker en Ivan Mentz wat eerste was. Machiel Griesel en JC Naudé was tweede en Willie Griesel (jnr) en Gerhard Bierman derde.
’n Ligawedstryd is ook beslis en Ermelo het die Spring Chickens 5-3 geklop. Nick Momberg het op 10 April oor nege putjies met 12 punte by die Standerton Buiteklub geëindig.
Freddie Welmans het in dié IPS-kompetisie ook 12 aangeteken. Patrizia Lombard het die pas oor 18 putjies aangegee en 39 op die telkaart ingevul, wat ook deur Jacques Erasmus geëwenaar is.
Hennie Swanepoel het met 37 geëindig en Stephen Nortjé met 36.
Herman Mynhardt, Jacques Scholtz, Nico Lombard, Gert du Preez en Riaan Starbuck het elk met 35 huiswaarts gekeer.
Ronald Kinnear het 34 aangeteken.
