Rioollek benadeel bejaardes by ouetehuis op Standerton

Kosmos Aftreeoord het sedert die vroeë maande van 2024 ’n rioollek wat vir inwoners probleme veroorsaak.

Volgens administratiewe personeel op die perseel was die verstopte drein al talle kere gerapporteer en kon hul uiteindelik na maande se gesukkel ’n verwysingsnommer op die 19 Desember van verlede jaar verkry.

Sedertdien is geen pogings aangewend om die situasie uit te sorteer nie.

Personeel reken dié wat die ergste geraak word deur die drein is inwoners wat die woonstelle langsaan die lyndraad besit.

“Dit is ’n skande dat ons bejaardes so moet bly,” het André Kasselman van Kasselman Veiligheidsdienste gesê.