Lede van die Sasol Posduifklub het op 13 September met hul duiwe meegeding in ’n wedvlug vanaf Burgersdorp in die Oos-Kaap.

Een van Allison Bros se duiwe het die eerste wedvlug gewen, en hulle ander duiwe het tweede en agtste geëindig.

Een van Mike en Jana du Toit se duiwe het derde geëindig, terwyl Boeta & Duppie se duiwe vierde, sesde en 10de plekke behaal het.

’n Duif van die Steyn-familie het vyfde geëindig, en Koot Meyer se duiwe het sewende en negende plekke losgevlieg.

In die tweede wedvlug op dieselfde dag, ook vanaf Burgersdorp, het Koot Meyer se duiwe die eerste vier plekke en ook ’n sesde plek losgevlieg, terwyl Boeta & Duppie se duiwe vyfde, sewende en 10de plekke behaal het.

Een van die Steyn-familie se duiwe het agtste geëindig, terwyl een van Mike en Jana du Toit se duiwe negende geëindig het.