Mark Nortje en Bertus Nel het op 13 September Standerton Hoërskool se jaarlikse gholfdag gewen. Hulle het die oorwinning behaal met ’n puntestand van 56.

Altesaam 32 twee-spelerspanne het dié dag die baan betree en geveg vir die eerste plek. Stephen en Sonja Nortje was tweede met 54 punte.

Wessel van der Merwe en Gert du Preez het 53 punte op hul telkaarte ingevul en het derde plek behaal. Aldo Arnaldi en Patrizia Lombard was vierde met 52 punte, en Riaan en Ronel Starbuck was vyfde met 50 punte.

Francois Schlebush het die prys gewen vir naaste aan die pen op putjie twee en 11. Janko de Klerk was naaste aan die pen op putjies agt en 17.

Patrizia Lombard het die langste dryfhou onder die vroue behaal, en Jacques Erasmus het die langste dryfhou onder die mans gespeel.