Fietsryers van Laerskool Secunda het uitgeblink in die eindronde van die interprovinsiale bergfietskampioenskap. Die fietsryers van Laerskool Secunda het op 11 en 12 Oktober die meeste punte by dié kampioenskap op Tzaneen in Limpopo aangeteken.

Laerskool Secunda het algeheel tweede geëindig en 890 punte behaal, terwyl Laerskool Goedehoop algeheel 27ste geëindig het en Laerskool Kruinpark 95ste.

Laerskool Secunda se meisiesspan was algeheel tweede, terwyl hul seunsspan en gemengde span beide derde geëindig het.

Laerskool Goedehoop se gemengde span het algeheel 25ste geëindig, hul meisiesspan 30ste en hul seunsspan 33ste.

Laerskool Secunda se presteerders wat plekke behaal het, was Leyla de Oliveira, Klara Prinsloo, Lily Hatting, Erika du Plessis, Deon van Zyl, Gerrie Lourens, Lian Cronjé, Sion Hattingh en Markus Prinsloo.

Die toppresteerders van Laerskool Goedehoop was Stephen Mouton, Marisa Mouton, Sebastiaan Matthee, Erick du Plessis, Lumé Storm, Wiané van der Berg en Monique Phillips.

Tiaan Wolvaardt was die beste fietsryer van Laerskool Kruinpark. Mpumalanga se fietsryers het algeheel as die tweede beste provinsie geëindig.