Delmas Valke-buurtwag help om gesteelde voertuig terug te vind
Dié voertuig is opgespoor toe die Valke-buurtwag die N12-hoofweg tussen Delmas en Emalahleni gepatrolleer het.
Lede van AfriForum se Delmas Valke-buurtwag het in samewerking met die polisie op Delmas ’n gesteelde voertuig teruggevind.
Dié voertuig is opgespoor toe die Valke-buurtwag die N12-hoofweg tussen Delmas en Emalahleni gepatrolleer het.
Hierdie aksie het op 25 Mei om 19:00 begin en tot die volgende oggend om 01:30 geduur.
Drie vermeende kabeldiewe is ook aangekeer en deur die polisie in hegtenis geneem.
Terselfdertyd is daar op toerusting beslag gelê wat vermoedelik vir kabelsdiefstal gebruik word.
Die Delmas Valke-buurtwag bedank die polisie vir hul hulp tydens hierdie aksie.
“Ons is trots op ons Valke-reaksiespan wat hulself beskikbaar stel om die gemeenskap op so ’n onbaatsugtige wyse te dien,” het Hennie Bekker, distrikskoördineerder vir die Hoëveld, gesê.
LEES OOK: Vandals destroy clubhouse in Standerton
LEES OOK: Electricity to Bethal and eMzinoni improved says mayor at Sona
