Rakkers op Delmas se kleuters sorg vir groot vermaak

“Die Rakker-kleuters het met baie interessante voorstelle vorendag gekom en die dag was met hope pret gevul.”

August 31, 2023

Thia Botha Less than a minute

Rakkers Kleuterskool se eie katfamilie-trio, Linique de Beer, Chloë Breedt en Lillah Mari de Beer.

Rakkers Kleuterskool op Delmas kon op 28 Julie volgens die eerste letter van hul name aantrek en ’n storietjie oor hul spesifieke karakters by die skool vertel.

“Ons kleuters was baie kreatief ons het iets van alles gesien. Dit sluit in zombi’s, seeskilpadjies, luiperds, ’n eierman en ek self het met die letter M, ’n mom2be voorgestel,” het Rakkers se skoolhoof, Mariëtte van Eeden, gesê.

Selfs Streeknuus was verteenwoordig deur ’n Rakkers-joernalis, kompleet met kamera en onderhoude.

“Die Rakker-kleuters het met baie interessante voorstelle vorendag gekom en die dag was met hope pret gevul.”