Die VLU-Vaalriviertak was op 17 Februarie met ’n uitstappie na die Madron-perdestalle, waar hulle Gert Kogh se spogperde gaan besoek het.

Ronel Kotze het vir die vroue ’n toer van die terrein en die skouperde gegee. Volgens Gerda Büter was dit ’n belewenis om te sien hoe dié perde opgelei word vir skou.

Büter was die gasvrou vir die dag en het ’n gelukspakkie met koekies, skyfies, sap en ’n worsrolletjie vir al die vroue gegee, gepaard met ’n lekker soet happie.

“Dit was ’n heerlike uitstappie vir ons VLU vroue,” het Büter gesê.